Naskah Buku
Muhammad Zalzalah
|
Alur Adat istiadat
Nagari Lubuk Kilangan
Kota Padang
BAB I
LUBUK KILANGAN
1. Asal Mula Nama Lubuk Kilangan
Pabrik PT Semen Padang berdiri di atas ribuan hektar
tanah Ulayat Nagari Lubuk Kilangan
Dahulu ada
sekelompok manusia datang dari daerah Solok (Darek) yang hidupnya suka
berpindah-pindah. Rombongan manusia itu dipimpin oleh Tuanku Lareh. Mereka berjalan menyelusuri sungai dari hulu
ke arah muara. Pada suatu ketika mereka tiba di sungai Batang Idas. Rombongan
itu sudah seharian tidak mandi sehingga badan mereka berkeringat. Melihat air
sungai yang jernih itu, mereka meminum air itu sepuas-puasnya dan mandi dengan
gembira.
Setelah selesai
mandi rombongan itu hendak melanjutkan perjalanan kembali. Tetapi Tuanku Lareh
kepala rombongan yang meletakan senjatanya sebilah pedang yang terbuat dari
besi diletakannya di atas sebuah batu besar sudah tidak ada lagi. “Pedangku
jatuh di Lubuk ini”, kata Tuanku Lareh kepada rombongannya. Maka mereka
beramai-ramai terjun lagi ke lubuk tempat pemandian tadi. Mereka terus mencari
Pedang yang jatuh ke lubuk itu.
Sekian lama mencari tetapi Tuanku Lareh dan rombongannya
tidak juga menemukan Pedang besi itu. Hari sudah menjelang senja namun pedang
yang dicari tidak juga ketemu. “Pedangku hilang di Lubuk ini, Negeri ini aku
namakan dengan Lubuk Kehilangan”, kata Tuanku Lareh. Dan akhirnya kata-kata
“Kehilangan” diperhalus menjadi LUBUK KILANGAN. Akhirnya Tuanku Lareh dan
rombongannya melanjutkan kembali perjalanannya. Itulah asal mulanya mana “Lubuk
Kilangan”.
2.
Batas-batas Nagari Lubuk Kilangan
Kota Padang terletak pada pantai Barat pulau
sumatera. Luas daerah Kota Padang seluruhnya 694,96 Km2 dengan keliling 190
Km2. Sedangkan Nagari Lubuk Kilangan terletak di sebelah Timur Kota Padang.
Nagari Lubuk Kilangan terdiri dari 7 (tujuh) kelurahan yaitu :
Kelurahan Indarung
Kelurahan Batu Gadang
Kelurahan Padang Besi
Kelurahan Bandar Buat
Kelurahan Beringin
Kelurahan Tarantang
Kelurahan Koto Lalang
Luas Nagari Lubuk Kilangan yang tercatat di
kantor Statistik tahun 1993 sekitar 85,99 Km2 atau 8.599 Ha. Batas-batas Nagari
Lubuk Kilangan sebelah Timur berbatas dengan Kabupaten Solok. Sebelah Barat
berbatas dengan Nagari Nan XX Kecamatan Lubuk Begalung. Sebelah Selatan
berbatas dengan Nagari Bungus Teluk Kabung atau Kecamatan Bungus Teluk Kabung
dan sebelah Utara berbatas dengan Kenagarian Pauh V Kecamatan Pauh. Kebanyakan
penduduk hidup bertani, bercocok tanam, buruh pabrik, swasta, pegawai negeri
sipil dan lain-lainnya.
3. Perkembangan Nagari Lubuk
Kilangan Pemerintahan Nagari
Ledakan Dinamit di Puncak Bukit Karang Putih
Jauh sebelum kedatangan Kolonial Belanda ke Indonesia,
Nagari Lubuk Kilangan adalah “Negeri” yang berpemerintahan sendiri. Merupakan
satu kesatuan masyarakat hukum adat, lengkap dengan kaidah/norma yang mengatur
masyarakat dan umurnya yang sudah cukup tua.
Pada masa Pemerintahan Kolonial Belanda, Nagari yang
telah ada tetap diakui dan diberi dasar hukum formal dengan keluarnya Inlandsche
Gemeete Ordonnantie Buitengewesten (disingkat dengan IGOB) tahun 1938
termuat di dalam stb. 1938 No. 490.
Tetapi bilamana ditelusuri secara mendalam sesungguhnya
IGOB yang dikeluarkan Pemerintahan Belanda bukan memperkuat dan mempertahankan
otonomi Nagari yang telah ada. Tetapi justru memberi peluang kepada Belanda
untuk mencampuri urusan Nagari. Hal ini terlihat dari keanggotaan Kerapatan
Nagari. Ada Penghulu Bajinih (berjenis) dan ada
Penghulu Basurek (bersurat). Penghulu Basurek keanggotaannya ditunjuk dan
dibesluitkan oleh Pemerintah Belanda.
Selanjutnya pada waktu Jepang, pemerintahan militer
Jepang telah menghormati aturan adat yang melandasi berbagai hal sehubungan
dengan Nagari. Melalui OSAMU SEIREI No. 7 tahun 1944 Pemerintahan Nagari di
Lubuk Kilangan tetap berjalan biasa asal saja tidak bertentangan dan keadaan
ini berjalan sampai dengan Indonesia Merdeka.
Setelah
Indonesia merdeka tanggal 17 Agustus 1945 di Nagari Lubuk Kilangan pemerintahan
terendah langsung di bawah Camat adalah Pemerintahan Nagari. Sayangnya
kebijaksanaan yang telah ditempuh oleh Pemerintah Nagari ini dalam kenyataan
belum banyak terwujud sebagaimana mestinya.
BAB II
ALUR
ALUR : Isinya mengandung kiasan, memakai pepatah
petitih, sesuai bunyi pepatah Minangkabau: “Tembak dibari ba alamat, kato
dibari ba kiasan. Kilek baliung ka kaki, kilek camin ka mungko, kilek kasai
masuk aia, kilek kato masuk hati” Inilah yang selalu dipakai ditiap Nagari
Lubuk Kilangan. Alur biasanya dipakai dalam penuturan ninik mamak atau cerdik
pandai dalam upacara adat.
1. Alur Rokok Jo Siriah
Rajo Alam pihak
sipangka suku Jambak sedangkan Datuak Rajo Malano suku Tanjung (sialek) pihak
yang datang.
Dt. Malano : Assalamu’alaikum Rajo Alam.
Rj. Alam :
Alaikum Salam Angku Datuak.
Dt. Malano : Rajo Alam, pasambahan tibo kabakeh Rajo! Sambah nan
ditibokan titah nan diantakan,
nak sarapek-nyolah ninik jo mamak, sipat tarhalia di ateh rumah nangko. Usah kadibilang di atap gala
aratinyo sambah sajo dimuliakan. Sambah nan ditibokan,
titah nan diantakan, maagak di hari nan
kapatang, sirih nan
bacabiak, pinang nan bagatok, kahadapan
ninik mamak, ipa jo bisan, dan sagalo
nan ado di ateh rumah nangko, sakarang alah bahadiri.
Ba apo di hari sahari nangko, janjang batingkek, bandua batapuak, duduak
sahamparan, tagak saedaran, manimbang sapanjang adat, mangaji sapanjang alur,
alah ciek jo duo, duo jo tigo, alah banamo salasai.
Picak nan satapiak, bulek nan sagiliang, adat nan
sapakai, anak jo bapak alah basuo,
duduak bahadapan, tagak batantangan.
Maisok
santo jo daun, duduak nak baiyo tagak baamuah. Sakian sambah diantakan
kahadapan Datuak.
Rj. Alam : Sampai Datuak? Ma agaki rundingan
Datuak nan katangah, sunat kato dek baulang, pasa jalan dek batampuah,
buah panitahan Datuak nan kahambo ulang.
Sambah manyambah dipulangkan kapado Allah, kato sajo dipakatokan. Apolah nan jadi buah kato datuak cako, ma agak hari nan dahulu,
siriah nan bacabiak, pinang nan
bagatok, kahadapan ninik mamak, ipa jo bisan, dan sagalo nan ado di rumah
nangko nak mahadiri pakarajaan nangko. Ban-apo dihari nan sahari nangko jangjang batingkek bandua batapuak, duduak bahamparan tagak saedaran.
Manimbang
sapanjang adat, mangaji sapanjang alur, alah ciek jo duo,
duo jo tigo, alah banama salasai.
Tumbuah
nan bak banyiah, tabik nan bak padi,
tabik di siriah nan bacabiak, di pinang nan bagatok, ninik mamak lah batamu,
anak jo bapak lah basuo, duduak bahadapan, tagak batantangan. Maisok santo jo daun, duduak nak
baiyo tagak bamurah. Kan baitu bana buah panitahan Datuak?
Dt.
Malano : Iyo bana.
Rj. Alam : Yo ma Datuak!
Sapanjang buah panitahan Datuak nan katangah,
lamak bak raso santan manih bak raso tangguli, tapi sungguhpun baitu elok kato
jo mupakat, lamak kato dipakatokan, hambo baok kato jo mupakat, saba Datuak jo
panitahan. Laikoh dalam adat nan bapakai, dalam cupak nan baisi, kan baitu
Datuak?
Dt. Malano : Sampai Rajo?
Sapanjang
buah panantian Rajo nan katangah, kok didanga alah babunyi, dipandang alah
barupo. Ka ateh samo bapucuk, ka bawah samo saurek. Limbak nan dari pado itu,
duduak nan samo sahamparan, tagak nan samo saedaran, hambo bao kato jo mupakat.
Kan baitu bana buah panitahan Rajo?
Rj.
Alam : Iyo bana Datuak!
Dt. Malano : Tibonyo lah dalam
adat nan bapakai, dalam cupak nan barisi, kato kadibao jo mupakat, Rajo.
Rj.
Alam : Kok baitu saba mananti
Datuak?
Dt. Malano :
Sa kiro-kiro.
Rajo
Alam membawa kata mupakat dengan ninik mamak dan yang patut-patut yang hadir
duduk dalam upacara (perhelatan) itu.
Kemudian mengembalikan rundingan kepado Datuak Malano.
Rj. Alam :
Di hari cako Datuak saba jo panitahan, hambo mambao kato jo mupakat, jo nan
duduak sahamparan, tagak saedaran. Picak nan satapiak bulek nan sagiliang, adat
nan sapakai, sabuah kato alah bapakatokan, labiah bak maisok santo jo daun. Itu
bana nan hambo antakan bakeh Datuak.
Dt. Malano :
Sampai Rajo
Di hari nan cako hambo saba jo panantian
Rajo. Marenjeng kato jo mupakat, jo nan duduak sabulek nan sagiliang, adat nan
sapakai, sabuah kato alah bapakatoan, labiah bak maisok santo jo daun. Kan
baitu bana buah panitahan Rajo.
Rj. Alam :
Ka kateh alah samo
sapucuak, ka bawah lah samo
saurek, nan kito ba apo Datuak.
Dt.
Malano : Nan kito babateh.
Rj. Alam : Iyo ma Datuak!
Dahulu kito basitinah, kamudian kito
basicapek iyo capek tibonyo bakeh Datuak. Maagak rundingan kito cako, alah ciek
jo duo, duo jo tigo, alah banamo salasai. Sungguahpun bak raso basalasai,
tumbuah nan bak banyiah, tabik nan bak padi. Siriah naiak carano ka tangah,
siriah kami nan mintak Datuak kunyah. Itu bana dianta kahadapan Datuak.
Dt.
Malano : Sampai Rajo
Sunat kato dek baulang, pasa jalan dek
batampuah, buah panitahan Rajo nan ka hambo ulang. Apolah nan jadi buah
panitahan Rajo cako, kok didanga alah babunyi, dipandang alah barupo, ka ateh
ta ambun jantan, ka bawah takasiak bulan, lamak bak raso santan, maniah bak
raso tangguli nan tumbuah bak banyiah, nan tabik bak padi, pihak disilang nan
bapangka, siriah naiak, carano ka tangah,
siriah kami nak mintak Rajo kunyah. Kan baitu jinih buah panitahan Rajo.
Rj.
Alam : Iyo bana.
Dt.
Malano : Iyo ma Rajo!
Rundiangan Rajo nan ka tangah, buleh alah
buliah digolekan, picak lah buliah dilayangkan. Tapi sungguhpun baitu, lamak siriah lega carano,
lamak kato lega bunyi, lamak lauk dek
pamasak, elok kato jo mupakat, saba Rajo jo panitahan. Laikoh dalam adat lamo
pusako usang nan baitu?
Rj.
Alam : Kok baitu alah bana.
Rajo
Alam membawa kata mupakat.
Dt.
Malano : Iyo ma Rajo!
Di hari nan cako Rajo saba jo panitahan,
hambo mambao kato jo mupakat, jo nan duduak sahamparan, tagak saedaran.
Sepanjang parmintaan Rajo nan ka tangah, pintak buliah, kandak balaku. Sabuah kato alah dipakatoan, labiah bak
mangunyah siriah jo pin ang. Itu bana diantakan kapado Rajo.
Rj.
Alam : Sampai Datuak?
Kok hilia alah sarangkuah dayuang, mudiak
alah satimbang galah, nan kito baapo Datuak.
Dt.
Malano : Babateh
2.
Alur Minum - Makan
Rj. Alam : Assalamu’alaikum Angku
Datuak.
Dt. Malano : Walaikum salam Rajo Alam.
Rj. Alam :
Datuak Rajo Malano, sambah tibo bakeh Datuak! Sambah
manyambah dipulangkan kapado Allah, kato sajo dipakatokan. Maagak di hari nan sahari
nangko, janjang batingkek, bandua batapuak, duduak sahamparan, tagak saedaran.
Manimbang sapanjang adat, mangaji sapanjang alur, alah ciek jo duo, duo jo tigo
banamo basalasai. Pun baato hanyo lai, manantang jamba nan baatap, kumbuak nan
baatua, supayo nan mintak diparenai. Sakian sambah tibo bakeh Datuak.
Dt.
Malano : Sampai Rajo?
Apolah nan manjadi buah panitahan Rajo cako,
maagaki rundiangan Rajo nan ka tangah, sunat kato dek baulang, pasa jalan dek
batampuah, panitahan Rajo nan kahambo ulang, maagak di hari nan dahulu, di
siriah nan bacabiak di pinang nan bagatok,
ka hadapan ninik mamak, ipa jo bisan, sagalo nan ado di rumah nangko,
nak mahadiri pakarajaan nangko.
Adohpun di hari nan sahari nangko, janjang
batingkek, bandua batapuak, duduak sahamparan, tagak saedaran. Manimbang
sapanjang adat, mangaji sapanjang alur, alah ciek jo duo, duo jo tigo
banamo basalasai. Limbak nan dari pado
itu, tumbuah nan bak banyiah, tabik nan bak padi, tabik disilang nan bapangka, jamba nan baatap, kumbuak nan
baatua, iyo bana nak mintak diparenai. Kan baitu bana jinih buah panitahan
Rajo?
Rj.
Alam : Iyo bana Datuak?
Dt. Malano : Yo ma Rajo
Sapanjang buah panitahan Rajo nan ka tangah,
alah dalam adat nan bapakai, alah dalam cupak nan baisi, dalam ragi nan
takambang. Tapi sungguhpun baitu, lamak
siriah lega carano, lamak kato lega bunyi, lamak lauak dek pamasak, elok kato
jo mupakat, buruak kato diluanyo, hambo bao kato jo mupakat, jo nan duduak samo
sahamparan, tagak samo saedaran, saba Rajo jo panitahan, laikoh di kanduang
adat, di lingka pusako, nan baitu Rajo? Itu bana nan hambo antakan bakeh Rajo!
Rj.
Alam : Sampai Datuak?
Sapanjang buah panitahan Datuak bakeh hambo,
sapanjang buah panitahan hambo nan ka tangah, alahkoh dalam cupak nan baisi,
dalam adat nan bapakai, dibao kato jo mupakat. Kan baitu bana buah
panitahan Datuak?
Dt.
Malano : Iyo bana
Rj. Alam :
Tibonyo alah
dalam adat nan bapakai, kato kadibao jo mupakat Datuak.
Dt. Malano :
Nan kato alah dalam adat lamo pusako usang, kato kahambo bao jo mupakat, saba
mananti malah Rajo.
Rj. Alam : Hambo
mananti sakiro-kiro.
Datuak
Malano membawa kato mupakat dan kemudian mengembalikan rundingan kepada Rajo
Alam.
Dt. Malano :
Di hari nan cako Rajo saba jo panitahan,
hambo mambaok kato mupakat, jo nan duduak sahamparan, tagak samo saedaran.
Picak nan satapiak, bulek nan sagiliang, adat nan sapakai, sapanjang parmintaan
Rajo nan ka tangah, tibonyo alah dalam adat nan bapakai, kandak balaku. Itu
bana nan hambo antakan bakeh Rajo.
Rj. Alam : Sampai
Datuak?
Maagaki rundingan Datuak nan ka tangah,
nan baukua, nan bajangko, nan babariah,
nan babalabeh, sabariah indak namuh hilang, satitiak indak namuh lipua. Sabuah
pintak lah buliah, kandak balaku, tinggi hambo anjuang, gadang hambo amba.
Itulah kato nan diantakan bakeh Datuak.
Dt.
Malano : Sampai Rajo?
Kok hilia lah sarangkuah dayuang, mudik lah
satimbang galah, nan kito baapo Rajo.
Rj.
Alam :
Nan kito baparantian.
3.
Alur Adat ka Tangah
Rj. Alam :
Assalamu’alaikum Angku Datuak.
Dt. Malano : Alaikum Salam Rajo Alam.
Rj. Alam :
Datuak Rajo
Malano, pasambahan tibo bakeh Angku Datuak. Sungguhpun Angku Datuak nan
disambah, nan sarapeknyo lah ninik jo mamak, ibu jo bapak, sipat tarhalia ateh
rumah nangko.
Usah kadibilang di ateh gala, artinyo sambah sajo
dimuliakan. Ka pambilang paatap gala, laikoh tampeh samparono sambah tibo
bakeh Angku Datuak?
Sambah
nan hambo tibokan, titah nan hambo antakan ka hadapan Angku Datuak, ma agak di
kami di maso nan dahulu, mako dibaoklah ibu jo bapak sarato kami badusanak, mancari
kato jo mupakat. Sakarang dapek kato jo mupakat, bulek kato paukuran. Bulek lah bulih digolekan,
picak lah buliah dilayangkan. Adopun di hari nan sahari nangko, janjang
batingkek bandua batapuak, duduak sahamparan, tagak saedaran.
Manimbang sapanjang adat, mangaji sapanjang
alur, alah ciek jo duo, duo jo tigo, alah banamo basalasai. Sungguahpun baraso
basalasai, jalan nan duo tarantang, satu jalan sarak, kaduo jalan adat.
Ba apo nan sapanjang sarak, alah samparono bapati jo doa
di surau, di hadapan Imam jo Khatib, sarato jo Bilal, di hadapan saksi jo
sahadah.
Ba apo nan sapanjang adat, tardiri di rumah tanggo,
kampuang jo halaman, di hadapan ninik jo
mamak, sarato nan ado di rumah nangko. Cuma lai sapanjang adat kami nan
katangah, kain nan balipek, pitih nan babilang, mintak ditarimo suko, dilakukan
di hadapan ninik mamak, sarato ibu jo bapak, baliau nan ka anam suku.
Sakian sambah diantakan ka hadapan Datuak.
Dt.
Malano : Sampai Rajo Alam?
Rj. Alam :
Yo ma Datuak.
Dt. Malano :
Sunat kato dek
baulang, pasa jalan dek batampuah, buah panitahan Rajo nan kahambo ulang.
Apolah nan manjadi buah panitahan Rajo cako, sambah manyambah dipulangkan
kapado Allah, kato sajo dipakatokan.
Apolah nan manjadi buah kato kapado hambo, ma agak di hari nan maso dahulu,
mangko dibaoklah ninik mamak, ibu jo
bapak mancari kato jo mupakat, mambulekan paukuran. Bulek lah buliah digolekan, picak lah buliah dilayangkan. Adopun di hari
nan sahari nangko, janjang batingkek, bandua batapuak, duduak sahamparan, tagak
saedaran, manimbang sapanjang adat, mangaji sapanjang alur, alah ciek jo duo,
duo jo tigo, alah banamo basalasai.
Kini
tumbuah nan bak banyiah, tabik nan bak padi, tabik disilang nan bapangka,
karakok nan bajunjuang, pakarajaan nan bapangka, jalan duo nan tarantang, satu
jalan syarak, tadiri di musajik dalam nagari di hadapan Imam jo Khatib sarato
jo Bilal di hadapan Wali jo sahadah. Ba apo pulo nan sapanjang adat, tadiri di
rumah tanggo, kampuang jo halaman, di hadapan niniak mamak, sarato ibu dengan
bapak dan sagalo nan ado di rumah nangko. Tarantang adat kami nan ka tangah,
kain nan balipek, pitih nan babilang nak mintak ditarimo, dilakukan ka hadapan
baliau niniak mamak, sarato ibu jo bapak dan baliau nan ka anam suku.
Kan
baitu bana lalunyo buah panitahan Rajo.
Rj.
Alam : Yo bana.
Dt. Malano : Yo ma Rajo
Sapanjang buah panitahan Rajo nan katangah,
kato surang dibuleki, kato basamo dimupakati.
Hambo bao kato jo mupakat, saba Rajo jo
panitahan. Laikoh dalam adat nan bapakai dan dalam cupak nan baisi, nan baitu
Rajo.
Rj.
Alam : Sampai Angku Datuak.
Tibonyolah dalam adat lamo pusako usang, kato
dibao jo mupakat, Datuak.
Dt.
Malano : Kok baitu saba mananti Rajo.
Rj. Alam : Hambo nanti sakiro-kiro.
Datuak Rajo Malano membawa kata mupakat
dengan ninik mamak dan semua yang patut. Kemudian mengembalikan rundingan
kepada Rajo Alam.
Dt.
Malano : Iyo ma Rajo.
Di hari nan cako Rajo saba jo panitahan,
hambo mambao kato jo mupakat, jo nan duduak
sahamparan, tagak saedaran, sarato ibu jo bapak nan kaanam suku.
Manantang adat nan ka tangah alah sarek
jo pusako, alah rindiah jo pakaian, alah
taracak di kudonyo, alah batarimo suko di baliau sapanjang adat. Itulah
bana nan hambo antakan bakeh Rajo.
Rj.
Alam : Sampai Angku Datuak?
Sapanjang buah panitahan Angku Datuak bakeh
hambo, di hari nan cako hambo saba jo panitahan Angku Datuak marenjeng kato jo
mupakat. Picak nan satapiak bulek nan sagiliang, adat nan sapakai, ka ateh lah
samo sapucuk, ka bawah lah samo saurek, alah batarimo suko di baliau sapanjang
adat. Kan baitu bana buah panitahan
Angku Datuak?
Dt.
Malano : Iyo bana.
Rj. Alam : Yo ma Angku Datuak?
Sabuah pintah alah buliah, kandak alah balaku
lah sanang kironyo hati Angku Datuak.
Dt.
Malano : Iyo ma Rajo.
Dahulu kato basitinah, kamudian kato basicapek,
capek tibonyo bakeh Rajo. Kacapekan tibonyo bakeh Rajo ma agak parundiangan
kito cako, alah ciek jo duo, duo jo tigo, alah banamo basalasai.
Manantang di adat nan katangah, alah sarek jo pusako,
rindiah jo pakaian, taracak di kudonyo, tatumpah di jalannyo, alah batarimo
suko sapanjang adat. Tapi ibu jo bapak duduak rumik ma insuik, tagak rumik marenjeng, tantang
dari pado ma asak iyo manyarayo kapado anak mudo
bakeh Rajo.
Rj.
Alam : Sampai Angku Datuak?
Sapanjang buah panitahan Angku Datuak bakeh
hambo, lamak bak raso santan, maniah bak raso tunggali. Tapi sungguhpun baitu
hambo bao kato jo mupakat, jo duduak sahamparan, tagak saedaran saba Angku
Datuak jo panitahan.
Dt.
Malano : Sampai Rajo.
Hambo
nanti sakiro-kiro.
Rajo Alam membawa kata mupakat dengan yang patut dan
kemudian mengembalikan rundingan kepada Datuak Malano.
Rj.
Alam : Sampai Angku Datuak?
Di hari nan cako Angku Datuak saba jo
panitahan, hambo mambao kato jo mupakat. Picak nan satapiak, bulek nan
sagiliang, adat nan sapakai, bulek nan
buliah digolekan, picak nan buliah dilayangkan ibu jo bapak nangko dijapuik
dijangkau, dimasukan ka bilik nan dalam, kunci nan tangguah, buhua nan arek.
Tampak baliau balarang bapantangan. Agak rumik kami manampuah. Itu bana nan hambo antakan bakeh
Datuak.
Dt.
Malano : Sampai Rajo?
Sapanjang buah panitahan Rajo nan katangah,
nan baukua nan bajangko, nan babariah nan babalabeh, sabariah indak namuh
hilang, satitik indak namuh lipua, dalam adat lamo pusako usang. Tapi
sungguhpun baitu, nan elok kato baiyo,
nan bana kato baukua. Hambo bao kato jo mupakat, saba Rajo jo panitahan.
Rj.
Alam : Sakiro-kiro.
Datuak Rajo Malano membawa kata mupakat lagi.
Dt.
Malano : Yo ma Rajo.
Di hari nan cako hambo mambao kato jo
mupakat, Rajo saba jo panitahan. Dapeklah kato jo mupakat bulek nan sagolek,
picak nan salayang, adat nan sapakai, ibu jo bapak nangko iyo bajapuik bajangkau, bamasukan ka dalam bilik
nan dalam, kunci nan tangguah, dibuhua nan arek, tampek iyo balarang bapantang, basuluah
matohari, bagalanggang mato nan banyak. Tapi habih adat jo karilahan, habiah
cupak jo pusako, nan sakali nangko rila
jo maaf. Itu bana nan hambo antakan bakeh Rajo.
Rj.
Alam : Sampai Angku Datuak?
Ka ateh lah samo sapucuak, ka bawah lah samo
saurek, nan kito ba apo Datuak?
Dt.
Malano : Babateh.
Manjapuik Anak Daro
4.
Alur Timbang Tando
Timbang
tando ini tidak dilakukan oleh ninik mamak (penghulu), tetapi oleh cerdik
pandai atau anak mudo. Jadi itulah sebabnya yang melakukan timbang tando di
sini tidak bergelar
Datuak.
St.
Palimo : Assalamu’alaikum
Rajo Alam.
Rj. Alam : Walaikum sallam Sutan Palimo.
St. Palimo : Rajo Alam pasambahan
tibo bakeh Rajo. Sambah nan ambo tibokan, titah nan hambo antakan, janji nan
bakarang, badan nan baukua, janji batapati ikrar bamuliakan.
Ba apo di malam nan samalam nangko, jauh bajalang, hampia
baturuik, janjang batingkek, bandua batapuak, duduak sahamparan, tagak
saedaran. Manimbang sapanjang adat, mangaji sapanjang alur, alah ciek jo duo,
duo jo tigo, alah banamo basalasai. Minum alah sajuak, makanlah lah kanyang,
paisok bagiliang lah bapanggang, siriah bakapua lah bakunyah. Kao lai nan
taragak nan takana, nan tahilan di mato, nan takana di hati, ka hadapan baliau nan silang nan bapangka,
ibu jo bapak lai kok bana dikatangahkan. Itu bana nan diantakan bakeh Rajo.
Rj.
Alam :
Sampai Sutan.
Sunat kato baulang, pasa jalan dek batampuah,
buah panitahan Sutan nan kahambo ulang. Apolah Sunat kato baulang, pasa jalan
dek batampuah, buah panitahan Sutan nan kahambo ulang. Apolah nan jadi buah
panitahan Sutan cako, sambah manyambah dipulangkan kapado Allah, kato sajo
dipakatokan. Apolah nan jadi buah kato Sutan cako, janji nan bakarang, badan
nan baukua, janji biaso batapati, ikrar biaso dimuliakan.
Adopun di malam nan samalam nangko, janjang batingkek,
bandua batapuak, duduak sahamparan, tagak saedaran. Manimbang sapanjang adat,
mangaji sapanjang alur, alah ciek jo duo, duo jo tigo, alah banamo basalasai.
Minum alah sajuak, makan alah kanyang, rokok bagiliang alah bapanggang, siriah
sakapua alah bakunyah. Kok lai nan taragak takana di hati, pihak kapado silang
nan bapangka, karakok nan bajunjuang, pakarajaan nan bapangka, kehadapan ibu jo bapak, laikok
bana dikatangahkan. Kan baitu bana lalunyo buah panitahan Sutan?
St.
Palimo : Iyo bana.
Rj. Alam : Yo ma Sutan!
Sapanjang rundingan Sutan nan ka tangah,
licin badindiang camin, data balantai papan, dalam adat nan bapakai, dalam
cupak nan baisi.
Sungguhpun baitu elok kato jo mupakat, buruak
kato diluanyo, hambo bao kato jo mupakat jo nan baliau nan duduak sahamparan,
tagak saedaran, hambo japuikkan nan
kabarinyo. Saba Sutan jo panitahan, laikoh bana nan baitu, Sutan?
St.
Palimo : Kok itu lah bana.
Rj. Alam :
Kok baitu lah kasaba Sutan jo Panitahan?
Di hari nan cako Sutan saba jo panitahan,
hambo marenjeng kato jo mupakat. Nan jadi buah barinyo kapado hambo, di hambo
ma-antakan kapado Sutan sapanjang
pamintaan Sutan nan ka tangah, alah dalam adat nan bapakai dan dalam cupak nan
baisi. Baitu kato baliau Sutan.
St.
Palimo : Sampai Rajo?
Di hari nan cako hamba saba jo panitahan,
Rajo marenjeng kato jo mupakat. Nan jadi buah barinyo di baliau kapado Rajo. Di
Rajo maantakanka pado hambo, sapanjang
pamintaan hambo nan ka tangah kok ado nan taragak jo takana, nan tahilan di
mato, takana di hati, alah rancak dikatangahkan. Baitu kato baliau. Kan baitu
bana buah panitahan Rajo?
Rj.
Alam :
Iyo bana.
St.
Palimo : Iyo ma Rajo.
Sabuah pintak lah buliah, kandaklah balaku, kok itu alah rancak hambo katangahkan?
Rj.
Alam : Alah dalam adat Sutan
Dahulu kato basitinah, kamudian kato
basicapek tibonyo bakeh Sutan.
St. Palimo :
Kacapekan tibonyo bakeh Rajo ma agak
rundingan nan kito cako, alah ciek jo duo, duo jo tigo, alah banamo basalasai.
Ka ateh lah samo sapucuak, ka bawah lah
samo saurek, niek nak manyampaikan kaua
nan malapehi.
Niek sangajo
dalam hati, niniak mamak, ibu jo bapak, nak manyangkuikkan ka auanyo, manyandakan katabingnyo. Itu bana nan hambo
antakan bakeh Rajo.
Rj.
Alam : Sampai Sutan?
Kato Sutan sajo dianjuang tinggi diamba
gadang. Apolah nan jadi buah kato dek Sutan cako, sunat kato dek baulang, pasa
jalan dek batampuah, buah pinitahan Sutan nan ka hambo ulang. Dahulu kato
basitanah, kamudian kato basicapek, capek pulo tibonyo dek hambo bakeh Sutan.
Kacapekan tibonyo bakeh Sutan tantang parundingan kito
cako, alah ciek jo duo, duo jo tigo, alah banamo basalasai. Pun ba atoh hanyo lai, niat nak manyampaikan kaua nak malapehi. Niat sangajo
dalam hati niniak jo mamak, ibu jo bapak, nak manyangkuikkan ka auanyo,
manyandakan kato biangnyo. Kan baitu bana buah pinitahan Sutan?
St.
Palimo : Iyo bana.
Rj. Alam : Yo ma Sutan
Sapanjang buah panitahan Sutan ka tangah,
kito bahadap bahadang batunggalan, alah baraso
bakabatulan tanam dibari batampang, kamanakan nan bamamak sarato nan
baliau nan hadir duduak, hambo bao kato
jo mupakat, hambo japuakan nan kabarinyo, saba Sutan jo panitahan. Laikoh bana
nan baitu Sutan?
St.
Palimo : Kok baitu alah bana.
Sutan Palimo membawa kata mupakat, kemudian
mengembalikannya kepada Rajo
Alam.
Rj.
Alam : Yo ma Sutan!
Di hari nan cako Sutan saba jo panitahan,
hambo mambao kato jo mupakat, kehadapan niniak jo mamak, sarato amai jo
bapak manjapuikkan nan kabarinyo.
Nan jadi buah barinyo dek baliau bakeh hambo sapanjang
buah pamintaan Sutan nan ka tangah nan tasangkuik ka
auanyo, tasanda katabiangnyo, alah dalam
adat nan bapakai dan dalam ragi nan takambang.
Tapi sungguhpun baitu cancang nan dua sagaragai, kapa nan
duo salabuhan, jauh nan mintak ditunjukan, hampia nan mintak dikakokan. Itulah
bana diantakan bakeh Sutan.
St.
Palimo : Sampai Rajo?
Sapanjang buah panitahan Rajo nan ka tangah, sapanjang bauh panitahan hambo
bakeh Rajo alah dilabuah nan golong, jalan nan pasa.
Tapi sungguhpun baitu jauh nan mintak
ditunjukan, hampia nan mintak dikakokkan. Kan baitu buah panitahan Rajo?
Rj.
Alam : Iyo bana.
St. Palimo : Yo ma Rajo!
Ma agak di hari nan dahulu kok bisiak lah
samo kadangaran, imbau lah samo kalampauan, rasio samo manantang, manti samo
barulang. Kini manyambuik Rajo jauh mintak ditunjukkan, hampia nak mintak
dikakokkan. Kan baitu bana buah panitahan Rajo?
Rj.
Alam : Sampai Sutan
Ma agaki rundingan Sutan nan katangah, kilek
baliung samo ka kaki, kilek camin samo ka mungko, kilek kato masuk hati. Limbak
nan dari pado itu, kalau diukua
dijangkokan balun lai patuik nan mamakai, sapanjang pamintaan Sutan nan
katangah. Tabu singkek kurang tangguli, urang ketek kurang aka, singkek kok
indak tauleh, senteng tidak tabilai, kurang tidak tatukuak, kok jadi cacek maro
malintang. Ba apoh sipat kita batantangan Sutan. Itu bana hambo antakan bakeh
Sutan.
St.
Palimo : Sampai Rajo?
Sapanjang buah panitahan Rajo di labuhan
golong, jalan nan pasa. Tapi sungguhpun baitu nan jadi buah panitahan Rajo
bakeh hambo, tak guno dirantang panjang, elok dikumpa nak nyo singkek, diambiak
sakiro kapaguno. Sungguhpun urang ketek aka, tabu singkek kurang tunggali,
namun di kami asal kapintak kabuliah, kandak kabalaku, satitiak manjadi lauik,
sakapa manjadi gunung. Itu bana diantakan bakeh Rajo.
Rj.
Alam : Sampai Sutan?
Sapanjang buah panitahan Sutan nan ka tangah, lamak bak raso santan, maniah
bak raso tangguli. Asal singkek samo kito uleh, kurang samo kito tukuak,
pitaruah indak kamaunyikan, bakirim indak kamanuruti, dek kami silang nan
bapangka, karakok nan bajunjuang, pakarajaan nan bapangka, kamanakan nan
bamamak, sarato ibu jo bapak. Kok baitu dari Sutan marilah lamak samo kito
makan, rancak samo kito enggakkan. Itu
bana diantakan bakeh Sutan.
St.
Palimo : Sampai Rajo?
Sapanjang buah panitahan Rajo bakeh hambo,
sapanjang buah panitahan hambo nan ka tangah, ka ateh alah samo bapucuk, ka
bawah alah samo saurek, pintak buliah kandak balaku. Kan baitu bana nan jadi
buah panitahan Rajo?
Rj.
Alam : Iyo Angku Datuak.
St.Palimo : Yo ma Rajo!
Sabuah pintak alah buliah, kandak alah
balaku. Dahulu kito basitinah kamudian kito basicapek, capek tibonyo bakeh
Rajo. Kacapekan tibonyo bakeh Rajo tantangan parundiangan kito cako, jauhlah
bulih ditunjukan, hampia lah bulih dikakokkan. Pun ba atoh hanyo lai, batali
nan bairik, batampak nan ba asak, tantang adat kami nan ka tangah, nak mintak
ditarimo nan batando barupo. Itu bana diantakan bakeh Rajo.
Sialek
manunjukan cincin tando (cincin pertunangan)
Rajo nan sadaulat, panghulu nan saundiko kato
Rajo sajo dianjuang tinggi, diamba gadang,
apolah nan jadi buah kato dek Sutan cako, batali buliah diirik,
batambang bulih diasak, nan batando barupo. Kan baitu bana buah panitahan?
Rj.
Alam :
Iyo ma Sutan
Sapanjang buah panitahan Sutan nan ka tangah banalah sasuai, paham lah saukua.
Tapi sungguhpun baitu, elok kato jo mupakat, bana kato dek baiyo, hambo baok kato jo mupakat,
saba Sutan jo panitahan, laikoh dalam adat nan baitu Sutan?
St.
Palimo : Sampai Rajo?
Sapanjang buah panitahan Rajo nan ka tangah,
manuruik sapanjang adapt, iyo kato sabananyo. Sunggugpun baitu maagak nan di
kami di hari nan sahari nangko, bakaua tampek kiramat, mamintak tampek nan
kabuliah. Arek nan jo pangabek, tangguah nan jo pangunci, kalua nan jo
pambukak, manuruik sapanjang adapt. Itu bana diantaan bakeh Rajo.
Rj.
Alam : Sampai Sutan?
Sapanjang rundingan Sutan nan ka tangah, kok
didanga alah babunyi, dipandang alah barupo. Bana sasuai paham saukua, pintak
buliah kandak balaku Sutan.
St.
Palimo : Sampai Rajo?
Iyo mah Rajo! Sabuah pintak alah balaku,
sanang kironyo hati kami.
Rj.
Alam : Yo mah Sutan!
Dahulu kito basitinah kamudian kito basicapek, capek tibonyo bakeh Sutan.
Tantang parundingan kito cako raso bakabatulan. Tapi sungguhpun baitu alang nan
bajawek, tapuak nan babaleh, adat di kami
nak minta ditarimo. Itulah bana diantakan bakeh Sutan. Putiah banang dek bakapeh, pitiah hati nak baka adaan,
manuruik pasa nan biaso Sutan.
Sipangka
mengeluarkan pula cincin tando.
St.
Palimo : Sampai Rajo?
Dangan indak barantang panjang, dibukak kulik
tampak isi, pintak samo buliah, kandak samo balaku, dek hambo batarimo suko
sajo Rajo.
Rj.
Alam : Sampai Sutan?
Pintak samo buliah, kandak samo balaku, nan
kito ba apo Sutan?
St.
Palimo : Babateh
5. Alur Mambao Kato Mupakat
Dt.
Sati : Asalamu’alaikum Angku Datuak Malano!
Dt. Malano : Walaikum salam Datuak Sati.
Dt. Sati :
Angku Datuak
Palimo, barundiang jo Angku Datuak
sapatah!
Dt. Malano : Manitahlah!
Dt. Sati :
Sambah nan
ditibokan, titah nan hambo antakan, sambah manyambah dipulangkan kapado Allah,
kato sajo dipakatokan. Apolah nan kajadi buah kato di hambo ka hadapan Angku
Datuak ma agak hari nan sahari nangko, kok didanga nan babunyi, dipandang nan
barupo, tabiak di silang nan bapangka, duduak nan baiyo, tagak nak barmuah. Nan
kabarinyo hambo japuikkan bakeh Angku Datuak.
Dt. Malano : Sampai Angku Datuak?
Sunat kato dek baulang, pasa jalan dek
batampuah buah panitahan Angku datuak nan ka hambo ulang.
Dt. Sati :
Rancak Angku Datuak ulang.
Dt. Malano : Apolah nan jadi buah
panitahan Angku Datuak cako, ma agak di hari nan dahulu,
pihak disilang nan bapangka, karakok nan bajunjuang, siriah
bacabiak, pinang bagatok, kahadapan niniak dengan mamak, anak jo bapak. Mako di
hari nan sahari nangko janjang batingkek bandua batapuak, duduak sahamparan
tagak saedaran. Tumbuah nan bak banyiah, tabik nan bak padi, tabik disilang nan
bapangka, karajo nan bapokok, didanga bunyi dipandang rupo, duduak nan baiyo
tagak nan barmuah, nan kabarinyo hambo japuikkan bakeh Angku Datuak?
Dt.
Sati : Iyo bana.
Dt. Malano : Yo ma Angku Datuak!
Dt. Sati :
Ma agak
rundingan Angku Datuak nan ka tangah, luruih barantang tali, data balantai
papan. Limbak nan dari pado itu, jikonyo pihak didiri hambo bana raso sasuai,
paham bak raso saukua.
Tapi
sungguhpun baitu, nan bana kato baiyo, nan elok kato mupakat, hambo bao kato jo
mupakat jo duduak nan samo bahadapan, saba Datuak jo panitahan, laikoh bana nan baitu?
Dt.
Sati :
Kok itu lah bana.
Dt. Malano : Yo ma Angku Datuak!
Di hari nan cako Angku saba jo panitahan,
hambo marenjeng kato jo mupakat, jo duduak nan kahadapan. Picak nan satapiak
bulek nan sagiliang, sapanjang parmintaan silang nan bapangka karakok nan
bajunjuang, batanyo bakeh nan tuo, baguru bakeh nan pandai, sabuang bajanang
alek bajuaro, kok kato alah dipakatokan, di dalam nan salingka duduak. Nan
kabarinyo pulang nan kapado hujan nan bapuhun paneh nan barasa. Itulah bana nan
kabarinyo bakeh Datuak.
Dt.
Sati : Sampai Angku
Datuak?
Sapanjang buah panitahan Angku Datuak alah
taracak di kudonyo, tatampuah di jalannyo. Tapi sungguhpun baitu, gayuang nak suruik
kamulonyo, alah kok rancak dikumbalikan?
Dt.
Malano : Kok itu alah rancak.
Dt. Sati : Yo ma
Angku Datuak
Manuruik pasa nan biaso, lamak siriah lega
carano lamak kato lega bunyi, tipak di Angku Datuak mangumbalikan. Laikoh bana nan baitu Angku
Datuak?
Dt.
Malano : Iyo Angku Datuak!
Ma agak rundingan Angku Datuak nan ka tangah,
licin badindiang camin data balantai papan, nan taunjuak nan bajambo, tatagak
disinan tanah nan lambang, dimano rundiang bamulai disinanlah mangko basudah
Angku Datuak.
Dt.
Sati : Iyo ma Angku
Datuak?
Sapanjang rindingan Angku Datuak nan ka
tangah, kok didanga baik bunyinyo, dicaliak baik ruponyo. Manuruik sapanjang
adat, dimano anjiang manyalak, disinan biawak tajun, dimano kato bamulai, di sinanlah bakasudahan. Kan baitu
bana sabuah panitahan Angku Datuak?
Dt.
Malano : Iyo bana.
Dt. Sati : Iyo ma Angku Datuak
Ameh kakumbali kapuronyo, kain kabaliak
kasangkutan, nan kito ba apo Angku datuak?
Dt.
Malano : Babateh sakutiko
6.
Alur Pasilahan Katurun
St. Palimo : Assalamu’alaikum Rajo Alam.
Rj. Alam : Walaikum Salam Sutan Palimo.
St. Palimo : Rajo Alam, pasambahan
tibo bakeh Rajo! Sungguhpun Rajo nan hambo sambah, nak sarapeknyo lah
ninik mamak, sado saisi rumah nangko.
Usah kadibilang ka diatap gala, aratinyo sambah sajo dimuliakan. Kapambilang pa
atap gala, laikoh tampek samparono sambah tibo bakeh Rajo?
Sambah nak hambo tibokan, titah nan hambo antakan, pihak
disilang nan bapangka, karajo nan bajunjung, pakarajaan nan bapangka, tumbuah
nan bak banyiah, tabik nan bak padi. Ma agak
di hari nan dahulu, siriah nan bacabiak, pinang nan bagatok, kahilia kamudian,
ka tangah ka tapi, nak mahadiri pakarajaan nangko.
Adopun di hari nan sahari nangko, janjang batingkek,
bandua batapuak, duduak sahamparan, tagak saedaran, manimbang sapanjang adat,
mangaji sapanjang alur, alah ciek jo duo, duo jo tigo alah banamo basalasai.
Limbak nan dari pado itu, minum lah sajuk, makan lah
kanyang, paisok bagilianglah bapanggang,
siriah bakapua lah bakunyah. Maagak di siriah nan bacabiak, di pinang nan bagatok, bulek aia dek pambuluah, bulek kato jo mupakat,
duduak lah baraso panek, tagak lah baraso paniang, buhua lah bana kadiurak,
kabek lah bana kadiungkai, duduak nak maurakselo, tagak nak maurak langkah,
katampek masiang-masiang. Mintak dilapek dek Rajo jo hati nan suci, muko nan
janiah, Sakian sambah dianta sampai ka hadapan Rajo.
Rj.
Alam : Sampai Sutan!
Sambah
kumbali bakeh Sutan!
Sambah nan hambo kumbalikan, titah nan hambo antakan,
sunat kato dek baulang, pasa jalan dek batampuah, buah panitahan Sutan nan ka
hambo ulang. Apolah nan jadi
buah panitahan Sutan cako, ma agak di hari nan dahulu, siriah nan bacabiak,
pinang nan bagatok, kahadapan karib jo kabiah, ipa jo bisan, nak manghadiri
pakarajaan nangko. Ba apo di hari nan
sahari nangko, jauh bajalang, hampia baturuik, janjang batingkek, bandua
batapuak, duduak sahemparan, tagak saedaran. Manimbang sapanjang adat, mangaji
sapanjang alur, alah ciek jo duo, duo jo tigo alah banamo basalasai.
Dibilang minum lah sajuk, makan lah kanyang, rokok
bagiliang lah bapanggang, siriah
bakapua lah bakunyah. Lamo duduak raso
lah panek, lamo tagak raso lah
panyiang, buhualah bana kadiurak, kabek lah bana kadiungkai, duduak nak
maurak selo, tagak nak maayun langkah ka tampek kami masiang-masiang. Nak
dilapeh jo muluik nan janiah, jo hati nan suci. Kan baitu bana buah panitahan Sutan.
St. Palimo : Iyo bana.
Rj. Alam :
Yo ma Sutan!
Sapanjang buah panitahan Sutan nan ka tangah,
kito nan bahadap bahadang, batunggalan, alah baraso bakabatulan. Sungguhpun
baraso bakabatulan elok kato jo mupakat, buruak kato diluanyo, hambo baok kato
jo mupakat, saba Sutan jo panitahan. Laikoh bana nan baitu Sutan?
St.
Palimo : Sampai Rajo?
Sapanjang buah panitahan Rajo bakeh hambo,
kok didanga lah baik bunyi, dipandang lah baik rupo, data balantai papan, licin
badindiang camin. Limbak nan dari pado
itu, nan bana kato baiyo nan elok kato jo mupakat, saba Rajo jo panitahan. Kan
baitu bana jinih buah panitahan Rajo.
Rj.
Alam : Iyo bana
St.
Palimo : Yo ma Rajo
Tantang rundingan Rajo nan ka tangah, itulah
kato nan sabananyo. Tapi sungguhpun baitu kato surang dibuleki, kato basamo
mupakati, lamak siriah lega carano,
lamak kato lega bunyi, lamak lauk dek pamasak, elok kato jo mupakat saba Rajo
jo panitahan. Laikoh bana nan baitu.
Itulah bana nan diantakan bakeh Rajo.
Rj.
Alam : Sampai Sutan?
Kok itulah dalam adat nan bapakai, dalam
cupak nan baisi, kato dibao jo mupakat Sutan.
St. Palimo :
Nan kato lah dalam adat nan bapakai,
dalam cupak nan baisi, kato ka hambo bao jo mupakat. Saba mananti malah Sutan.
Rj.
Alam : Sakiro-kiro
Rajo
Alam membawa kata mupakat, kemudian mengembalikan kepada Sutan Panduko.
St.
Palimo : Yo mah Rajo
Di hari nan cako Sutan saba jo panitahan,
hambo mambao kato jo mupakat. Dapek kato jo mupakat, picak nan satapiak bulek
nan sagiliang, adat nan sapakai, sapanjang parmintaan Rajo nan ka tangah, dalam
adat nan bapakai, dalam cupak nan baisi,
dalam ragi nan takambang. Bateh tampat baranti rumah tampat bamalam. Limbak nan
dari pado itu, nan bana kato baiyo, nan elok kato mupakat, tingga jo rundingan.
Laikoh dalam adat lamo pusako usang nan baitu Rajo?
Rj.
Alam : Sampai Sutan?
Rundingan Sutan nan katangah, kok didanga lah
babunyi, dipandang lah barupo, lamak bak raso santan, manih bak raso tangguli.
Tapi sungguhpun baitu, sapanjang parmintaan hambo nan ka tangah, dalam adat nan
bapakai, dalam cupak nan baisi. Pun ba atoh hanyo lai, pai jo mupakat, tingga
jo parundingan. Kan baitu bana buah panitahan Sutan.
St.
Palimo : Iyo bana.
Rj. Alam : Yo ma Sutan!
Ma agak rundiangan Sutan nan ka tangah, kok dirantang namuah panjang, elok dikumpa nan
nyo singkek, ambiak sakiro nan
kapaguno. Tantang rundingan kito nan katangah, lah namo tasungkuik ka auanyo,
tasanda ka tabiangnyo. Tapi
samantangpun baitu, hambo baok lah kato jo mupakat, saba Sutan jo
panitahan. Laikoh rancak nan baitu Sutan?
St.
Palimo : Kok itulah rancak.
Rj. Alam : Yo ma Sutan!
Di hari nan cako Sutan saba jo panitahan,
hambo mambaok kato jo baiyo, silang bapangka karakok bajunjuang. Sapanjang
parmintaan Sutan nan ka tangah, alah dalam adat nan bapakai, dalam cupak nan baisi, dalam ragi nan takambang.
Salamat baliau nan pai, barakat kami nan tingga, bak parabek jo pangabek, bak
tangguak luluih jo bingkainyo. Itulah bana dianta bakeh Sutan.
St.
Palimo : Sampai Rajo.
Rundingan Rajo nan katangah, manuruik adat
picak samo satapiak, bulek samo sagiliang, adat samo sapakai, pintak kami
buliah kandak kami balaku.
Ka ateh lah samo sapucuak, ka bawah lah samo saurek, nan
kito baparantian Rajo.
Rj.
Alam :
Rancak baparantian
7. Alur Manjapuik Marapulai
Dalam pasambahan manjapuik marapulai ini, pihak yang
menanti (tuan rumah) adalah suku Caniago dengan panghulu Datuak Rajo Palimo
sedangkan pihak yang datang adalah suku Tanjung dengan panghulu Datuak Sinaro.
Tuan rumah adalah keluarga marapulai dan yang datang adalah pihak anak daro.
Dt.
Sinaro : Assalamualaikum Angku Datuak.
Dt. Palimo : Walaikum salam
Dt. Sinaro : Kapado Datuak Rajo Palimo
Dt. Palimo : Manitahlah Angku.
Dt. Sinaro : Ado nan disampaian, siriah Datuak.
Dt. Palimo : Sampaianlah.
Dt. Sinaro : Siriah dalam carano kapado Datuak.
Dt. Palimo : Iyo.
Dt. Sinaro :
Kok siriak
mintak dicabiak, kok pinanng mintak digatok, kok gambia mintak dikupia, kok
sadah mintak dipalik. Karajo nan bapokok silang nan bapangka untuk urang
sumando manyumando di Caniago, itu nan kaba Datuak.
Dt.
Palimo : Sampai dek Angku Datuak?
Dt. Sinaro : Alah sado nan alah.
Pakaian Marapulai Nagari Lubuk Kilangan
Dt. Palimo : Tapi ditantangan
taratik di mujilih, lelo jo sopan, maaf dimintak ka Angku Datuak pun diangan
dipulangan. Rundingan nan kadipulangan kabakeh Datuak. Kok tadi lah samo
didanga parundingan Angku Datuak, ka kami silang nan bapangka karajo nan
bapokok, kok didanga lah elok bunyi, kok dipandang lah rancak rupo. Lah elok
susunan nan bak siriah, lah elok bareh nan basumpik.
Jikok mamakai nan sapanjang adat, manungguih sapanjang
pusako, limbago gayuang mangandaki sambauik, limbago kato mangandaki jawab. A
baanyo lai nan iko nanko kini, karano kami lai baduo batigo, kami ambiak jalan
maulah kato baiyo, mananti Angku.
Dt.
Sinaro : Lai Angku nanti jo Angku
Datuak?
Datuak Palimo bermufakat dengan urang sumando
jo niniak mamak dan suku Caniago. Setelah didapat kato mufakat, Dt. Palimo
menyampaikan kepada Dt. Sinaro
Dt. Palimo : Ka bakeh Dt. Sinaro
Dt. Sinaro : iyo manitahlah.
Dt. Palimo : Tadi panek baranti, patang bamalam, parundiangan kito antaro Angku Datuak.
Dt. Sinaro : Iyolah
Dt. Palimo :
Datuak mancari bulek nan sagiliang, pipih nan satapiak. Bulek nan kami giliang,
pipih nan kami tapiak. Tantangan sinan
nan parmintaan Angku Datuak, siriah nak mintak dicabiak, pinang mintak digatok.
Dt. Sinaro : Iyo Angku Datuak.
Dt. Palimo : Gambia mintak dipipia
Dt. Sinaro : Bana Angku Datuak.
Dt. Palimo : Kok lai nan takana
dinampak lagi di mato, di kami jauh manjalang ampia manuruik. Kan takahtu
bana parundiangan ko.
Dt. Sinaro : Bana Angku Datuak.
Dt. Palimo : Kok didanga parundiangan
Angku Datuak nan taserak di muko nan rami, nan tatabua di muko rang banyak,
indak ado kurang ka panukuak, senteang kapambilai. Bana ka paambo lain.
Dt. Sinaro : Iyo Angku Datuak.
Dt. Palimo : Bana ka paambo lain,
disilang nan bapangka karajo nan bapokok, iyo bana. Siriah lah kami cabiak,
pinang lah kami gatok, gambia lah kami pipia. Karano
rokok nan sabatang ko lah abih, siriah sakapua ko lah masak. Kaok lai nan
takana di hati, nan tak ilang di mato, di Angku jauah manjalang ampiang
manuruik, lah rancak dikatangahan Angku Datuak?
Sakian parundiangan.
Dt.
Sinaro : Sampai Angku Datuak.
Dt. Palimo : Dibilang alah.
Dt. Sinaro : Tasabuik dalam
kabanaran Angku Datuak tadi, dek kami kini ko kilek baliung ka kaki, kilek
camin lah ka muko. Adat lah kami isi, limbago lah kami tuang, tapi kami ateh
namo dirusuh disirayo. Dek urang sumando suku Tanjuang manjapuik anak kamanakan
baliau untuak ka jadi urang sumando di suku Tanjuang nan banamo Syamsul Bahri.
Karajo nan bapokok silang nan bapangka Angku Datuak.
Dt. Palimo : Lah sampai dek Angku Datuak?
Dt. Sinaro : Alah sado nan alah Angku Datuak.
Dt. Palimo : Tapi tantangan
taratik jo mujilih, lelo jo sopan, maaf dipintak jo parundingan. Parundingan
nan kapanjalang Angku Datuak, nan kamanjadi buah kabanaran di Angku Datuak ka
kami disilang nan bapangka karajo nan bapokok. Karano lah tarusuak
tasirayo kami di kampuang nan ba tuo nagari nan
bapanghulu, di rumah nan batungganai, adat sumando manyumando, lareh bakeh
jatuah, jatuah bajuluak, datang iyo bajapuik adat diisi limbago batuang, iyo
bana tantangan anak kamanakan Angku si Syamsul Bahri, kan baitu bana?
Dt.
Sinaro : Bana Datuak.
Dt. Palimo : Tapi kabakeh Angku
Datuak juo. Kok disimak kabanarannyo di Angku Datuak ka kami silang bapangka
karano kami lai baduo batido Angku Datuak.
Iyo bana bak kecek urang, nak di siang bak hari, nak
tarang bak bulan. Nak kami caliak dulu adat baisi limbago
dituang ko Angku Datuak.
Dt. Sinaro : Rancak bana Mak Datuak.
Dt. Palimo :
Iyo ka bakeh Datuak juo.
Dt. Sinaro : Manitahlah Mak Datuak.
Dt. Palimo : Tadi panek baranti,
patang bamalam, parundingan kito di
Angku Datuak, karano adaik ko iyo lah lamo, pusako ko lah usang, lamo
kok nyo lupo, nak baliak balenggong di kami, di silang nan bapangka karajo nan
bapokok. Tantang parmitaan Angku, kok iyo lah kami karajokan, tantang pambaoan
Angku, karano adaik ka Angku isi, limbago Angku tuang. Iyo bana adaikko lah
lamo, pusako lah usang, iyo lah bariah Angku mamaek, ditukuak Angku manabang.
Iyo lai nan iko nangko kini. Jan siang baabihan hari, malam baabiah minyak,
tantangan si Marapulai, iyo mananti bapakalan Angku Datuak.
Dt.
Sinaro : Sampai Angku Datuak.
Dt. Palimo : Dibilang alah.
Dt. Sinaro : Kandak lai ka buliah,
pintak lai kabalaku, lah sanang pulo hati kami Angku Datuak. Tapi ado nan
takilek di hati takilan di mato namonyo Angku Datuak, kok ketek banamo gadang
bagala. Namonyo Syamsul Bahri, sia ko lah gala ka urang sumando kami tu, nak
kami imbaukan di pasa nan rami nak kami gambuakan di lorong nan gadang. Sakian
kaba Angku Datuak.
Dt. Palimo : Sampai dek Angku Datuak?
Dt. Sinaro : Sampai Angku
Datuak
Dt. Palimo :
Kok disimakkan parundingan Angku Datuak,
nan laserak di muko bumi, lah rancak susun bak siriah, lah elok barek dek
sukek. Kok dipakai sapanjang adat, manungguih sapanjang pusako. Tantu gayuang
mangandaki disambuik, kito mangandak jawab. Kok pituah di nan pandai, pitunjuak
di nan tuo. Jikok mamakai sapanjang adat, manungguih sapanjang pusako, ukuran
surang iyo bauleh Angku Datuak, ukuran samo bapaiyoan. Baa nyolai nan baitu
nangko kini, karano kami lai baduo batigo, nak kami paiyoan lah rundingan Angku
Datuak dilatakan samantaro baakolah?
Dt. Sinaro : Rancak bana Angku Datuak.
Datuak
Rajo Palimo bermufakat dengan anggota pihak marapilai untuk menentukan gelar
marapulai yang diminta oleh Dt. Sinaro tadi. Setelah mufakat didapat, Dt.Palimo
menyampaikan hasil mufakat tersebut
kepada Dt. Sinaro.
Dt. Palimo : Jadi ka bakeh Dt. Sinaro.
Dt. Sinaro : Manitahlah Angku Datuak.
Dt. Palimo : Tadi tantang
tarantinyo mujinih elok jo maaf dipintak jo parundingan ka panjalang Angku tadi
panek baranti, patang bamalam.
Parundingan kito antaro jo Angku,
iyolah nan mancari bulek nan sagilian, pipih nan satapiak. Tantang ka manjawab
gayuang nan ka manyambuik, kato ka nan manjawab. Kok di Angku kandak babari
pintak babalakukan. Kok di kami tumah bulek lah kami giliang, pipih lah kami
tapiak. Bulek ka kami giliang, pipih ka kami tapiak, tantang marapulai,
sungguhpun iyo kabekah Angku Datuak Sinaro parundingan dipulangkan, mako
sarapeknyolah Angku Panghulu Nan Gadang Basa Batuah sado nan rapek bakarapatan
mali nan saisi rumah.
Indak dibilang diarok jo bagala pambilang paatok
pamuliakan sambah. Sambah dipulangkan kapado Allah, panitahan dipanitahkan di
Angku Panghulu Nan Gadang Basa Batuah, ujuang panitahan dipulangkan kapado
Angku Datuak Sinaro.
Panitahan
nan kadipulangkan ka Dt. Sinaro sajak samulo, sumua dikali, rantiang dipatah
adat tadiri dalam nagari. Jikok mamakai nan sapanjang adat, jikok mannua rungguih
nan sapanjang pusako, silang dibari bapangka, bakarajaan dibari bapokok. Jikok
mamakai sapanjang adat, manungguih sapanjang pusako adoh alah duo nan baturuik,
nan partamo jalan karano Allah, kaduo karano dunia.
Dt.
Sinaro : Bana Angku Datuak.
Dt. Palimo : Kalau manuruik jalan karano Allah, atilullah wa atiurrasul,
ikut di kamu akan Allah ikut di kamu akan Rasul. Jikok mamakai jalan nan karano
dunia, tumbuah sarupo ko kini, tumbuah mangko asiang, lah ado mako
bimbang, ketek banamo pakarajaan gadang
banamo pakarajaan. Tumbuah sarupo iko kini, bak pituah Angku Datuak juo,
tantang si pihak si marapulai, ketek banamo gadang bagala.
Dt.
Sinaro : Bana Angku Datuak.
Dt. Palimo : Ketek banamo, itu
utang ibu dengan bapak, gadang diagiah gala, itu hutang nagari nan ba panghulu,
kampuang nan basuku.
Dt. Sinaro : Bana Angku Datuak.
Dt. Palimo : Nan kadisampaian ka
Angku Datuak namonyo kini tu, dikaji elok iyo bana.
Dt. Sinaro : Bana Angku Datuak.
Dt. Palimo : Tantang pihak si
marapulai, ketek banamo, namonyo Syamsul Bahri, gadang bagala, iyo diagiah gala
Sutan Rajo Intan. Siriah mintak dicabiak
Dt. Sinaro : Sampai Angku Datuak?
Dt. Palimo : Bilang alah.
Dt. Sinaro : Kalau baitu alah sanang pulo hati kami Angku Datuak. Kok
siang baabiah hari, kok malam baabiah minyak Angku Datuak. Kok duduak biaso
panek, kok tagak biaso paniang.
Manuruik
papatah Minang Angku Datuak.
Anak
urang Bukittinggi
Pai manggaleh ka
Sungai Pua
Sinan urang
mambuek loyang jo timbago
Tolong tunjukan
Angku Datuak jalan kalua
Nak sanang dalam
hati
Nak sajuk dalam kiro-kiro
Nak duo pantun
sairiang ko Angku Datuak,
Kayu
ketek di Marapalam
Tumbuhnyo di
balakang rumah
indak biaso
sialek nan bamalam
antah nan urang
punyo rumah
Sakian
kaba Angku Datuak!
Dt.
Palimo : Lah sampai Angku datuak?
Dt. Sinaro : Sampai.
Dt. Palimo : Tapi tantangan
taratik jo mujinih, elok jo sopan, maaf dipintak jo parundingan Angku Datuak.
Parundingan nan kapanjalang Angku Datuak, kok dicaliak parundingan Angku Datuak
nan ka tangah, nan tarambua di muko rapek, nan taserak di muko rang banyak.
Jikok mamakai nan sapanjang adat, manungguih nan sapanjang pusako, ukuran
surang iyo babuekan, ukuran basamo bapaiyoan. Baanyolai nan iko nangko kini,
karano kami dek
lai baduo batigo, kami ambiak jalan baiyo, kato
basamolah, mananti Angku Datuak sabanta.
Datuak Palimo kembali mencari mufakat untuk menjawab
permintaan Datuak Sinaro. Setelah mufakat didapat, Dt. Palimo menyampaikan
kepada Dt. Sinaro.
Dt. Palimo :
Kabakeh Angku Datuak parundingan
dipulangan.
Dt. Sinaro : Lah tarang Angku Datuak.
Dt. Palimo : Parundingan
kadipulangan madok kabakeh Angku Datuak. Tadi panek baranti, parang bamalam.
Parundingan kito antaro Angku Datuakmancari bulek nan sagiliang, pipih nan
satapiak, tantangan gayuang kamanyambuik, kato nan kamanjawab.
Dt. Sinaro : Bana Angku Datuak.
Dt. Palimo : Bulek nan kami
giliang, pipih nan kami tampiak, tantang gayuang nan kamannyambuik, iyo
tatumpah badan diri. Kok didanga parundingan Angku Datuak tadi nan katangah nan
kamanjadi buah kabanaran di Angku Datuak. Karano dinan mukasuik alah sampai,
nan diamanah alah pacah. Kandal lah buliah pintak lah balaku. Cameh Angku indak
kadapek, gamang Angku indak indak katibo, nan juo nak maurak selo, nan mintak
nak maurak simpuah, nak dilapeh kami jo muko nan janiah, jo hati nan suci. Ka
rumah kami surang-surang, sarato jo marapulainyi itu nan kabuah kabanaran.
Dt.
Sinaro : Bana Angku Datuak.
Arok juo kabalabo, cameh juo kamarugi.
Dt. Palimo : Kok disimakan buah
kabanaran Datuak tadi, indak adoh kurang kapanukuak senteng pambilai.Bana ka
paambo lalu jikok di kami silang nan bapangka pakarajaan nan bapokok. Sabalun
kandak dibari, pintak dipalakuan tantang mamintak suko jo rela, tantangan
hidangan nan ka tangah, kok indak dibarih makan paek, kok indak ditakuak makan
tabang, kok indak elok susun nan bak siriah. Kok indak elok bareh nan bak
sumpik, kok ladonyo kok kurang padeh, garamnyo kok kurang asin, mintak dibari
maaf kami jo rela. Lai kandak Angku kami bari, pintak kami palakuan, indak
dipabiaan tagamang Angku doh.
Dt. Sinaro : Sampai Angku Datuak.
Dt. Palimo :
Dibilang alah
Dt. Sinaro :
Tabilang dalam parundingan Angku Datuak
tadi, kok kamakan indak saasam sagaram,
kok minum indak salapeh auih. Kan baitu kecek Angku Datuak?
Dt. Palimo : Bana
Dt. Sinaro : Dek kami indak adoh
Angku Datuak. Adohlo nan takilek di hati, takilan di mato, kok tadi pinang
Angku susun, kini alah centak parenang, kok nasi tadi panuah, kiniko alah
kosong, kok samba tadi banyak, kiniko alah bakurang. Tantang pado itu Angku
Datuak, mohon maaf ambo pintak Angku Datuak!
Dt. Palimo : Jadi baakah Angku
Datuak juolah. Kalau adoh juo uweh-uweh nan manjalani, saba nan indak kunjuang
habiah Angku Datuak, ka nan satu se kito pulangkan.
Dt. Sinaro : Sudah diparundingan Angku Datuak, alah siap Marapulai kito
Angku datuak?
Dt. Palimo : Alah, lah siap.
Dt. Sinaro : Ma Angku Datuak?
Dt. Palimo : Lai.
Dt. Sinaro :
Alif jo nan tando rapek
Alif
jo nan tando rapek
Sukun jo azab
nan tando mati
Rila jo maaf
ambo pintak
Wassalamu jo
maaf panyudahi
Assalamu’alaikum
Angku Datuak.
Dt. Palimo :
Walaikumsalam warahmatulahi wabarakatuh.
Tidak ada komentar:
Posting Komentar